CANDO OS MEUS OLLOS XOGABAN
CÓ SORRISO DOS (TEUS) CABELOS
TÍÑAMOS A XUVENTUDE
RECEN PARIDA ENTRE OS EIDOS.
NO SEU REVERSO O INFINITO
DESBORDABA A LUZ DO ESPELLO,
ÉRAMOS CORPOS ESPIDOS
CÁ FORZA DO ESQUECEMENTO.
OS NOSOS NOMES TALLADOS
NA MEMORIA DO MOMENTO
MEDRABAN PAXARO E TINTA
AGOCHADOS NO RECENDO.
ERA A CHOIVA MARUSÍA
NA COMISURA DOS BEIZOS.
DAQUELA NOITE SÓ QUEDA
A CARICIA DESTES VERSOS.
